Plantun de Prouvènço

Pèr coumpara dos planto d'encò nostre

Petrocallis pyrenaica & Asparagus acutifolius

Petrocallis pyrenaica

Brassicaceae Cruciferae

Nom en français : Drave des Pyrénées.

Descripcioun :
Lou cauri-di-pirenèu trachis tambèn dins lis Aup, dins li tepiero roucaiouso, lis esboudèu e sus lou roucas cauquié. Es uno poulido planto naneto que fai de couissin fin qu'à 20 cm de diamètre. Se recounèis peréu bèn à si fueio un pau peludo e di tres partido (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 2 à 5 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Petrocallis
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 5 à 9 mm
Flourido : Printèms - Estiéu

Sòu : Ca
Autour basso e auto : 1800 à 3000 m
Aparado : Noun
Jun à avoust

Liò : Roucas - Tepiero roucaiouso - Roucaio - Esboudèu
Estànci : Subaupen à Aupen
Couroulougi : Ouroufito-Éuropenco
Ref. sc. : Petrocallis pyrenaica (L.) R.Br., 1812 (= Draba pyrenaica L., 1753 )

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.